3 Pagbunyag ng Lihim
Pangangailangan sa Panahon ng Taghirap - 3
Mga Kwentong Kuwarantin ni Eric.HotFun
“Tagay na, pare…!”, magalak na bungad ni Rodel pagbalik nito sa bar. Kasama nito si Mang Benny, ang lihim na pinagbibilhan nila ng beer…. dahil nga may liquor ban.
“O, Mang Benny….. pasok ka”, bati ni Marco. Naka-pambahay na shorts lang ito, tulad ni Rodel. Ngunit, walang suot na pang-itaas. Pawisan ang maskuladong katawan nito.
“Niyaya ko na si Mang Benny na sumama sa konting inuman natin…. bawal kasi tumambay sa labas…”
Naging masaya ang kwentuhan ng tatlo. Unti-unti lumuwag ang mga dila nila pagkalipas ng ilang rounds ng pagtagay. Dati na sila nagkikita ni Mang Benny sa labas, ngunit ngayon lang sila nakapagkwentuhan ng maigi. Nakwento nito na ang misis at dalagitang bunso niya ay nakauwi na sa probinsya, at ang binatang anak nito ang naiwan kasama niya sa inuupahan.
Dahil mainit sa loob ng saradong bar, naghubad na ng T-shirt si Rodel.
Sumunod na rin na nagtanggal ng pang-itaas ang kapitbahay nilang may-ari ng saradong tindahan sa tapat ng bar. Matipuno at busiksik ang katawan ni Mang Benny, bakas ng habang-buhay nakababad ito sa mabibigat na trabaho. Higit sa 40-taong gulang sa pagtantya, kulay sunog ngunit makinis ang balat nito. Hindi man matatawag na guwapo ang mamang kapitbahay nila, ngunit may malakas na apela: naghalong bait at bangis ang nagtampok sa mukha dala ng makapal na labi.