5 - Ang Dalawang Trabahador sa Likod-Bahay
Patuloy ang daloy ng trabaho sa construction site.
Walang bakas ng mahiwagang kaganapan na nangyari noong gabi ng Linggo.
Si
Bong ay abala sa pag-supervise ng iba’t-ibang trabaho sa ginagawang bahay.
Istrikto si Bong sa pamamalakad ng construction. Si Jomar ay datihang palabiro at
maharot pa rin. Samantala tila may bumabagabag sa pinsan niyang si
Caloy dahil madalas na parang malalim ang iniisip
nito at maingat na iniiwasan ang makipagusap o makihalubilo kay Bong. Sa
tuwing pagsapit ng gabi, napansin ni Caloy na minsan pasulyap-sulyap si Bong sa
kabilang bahay, habang nagsisigarilyo ito sa bakuran ng bahay.
Sa
kabuuan ng linggo, halos lahat ng tauhan ni Bong ay doon natutulog. At tulad
nina Jomar at Caloy, sila ay umuuwi sa kani-kanilang mga bahay pag
Sabado, at Lunes ng umaga na ang balik.
“Jomar, wag na kaya muna kayong umuwi ni Caloy sa
Bulacan pagkatapos ng trabaho itong Sabado ng gabi…samahan niyo na lang muna
ako dito ”, ang pakiusap ni Bong.
Ang
pamilya ni Bong ay nasa malayong probinsya, at limang buwan na ito hindi
nakakauwi. Bukod sa pagiging tagapamahala ng construction, siya ay nagsisilbing
bantay na rin dito tuwing Sabado’t Linggo. Sa isang maliit na
kwarto sa may kusina siya natutulog.
“Dito na kayo…. inuman tayo…”, dagsag na pag-anyaya
ni Bong sa mag-pinsan.
“Tol, uwi na lang tayo…”, pagtutol naman ni Caloy,
na tila ayaw na magpa-iwan dun sa construction site.
Ngunit sa dalawang mag-pinsan na matalik ding
magkaibigan, si Jomar ang laging nasusunod.
“Sige, Bong…. payag kami …basta sagot mo ang
beer,… at pulutan na rin”, ang masayang pangtanggap ni Jomar sa paanyaya ni
Bong. Hindi na lang umimik si Caloy. Ganun na lang naging sunud-sunuran si
Caloy sa pinsan niya.