Isang maikling
kwento: Ang totoong karanasan ng kaibigan kong si Rafael.
Written by Eric.Hotfun
Mapili si Rafael sa mga damit na sinusuot niya. Matangkad
siya, 23 years old at lean-muscled ang katawan. Gwapo, at maamo ang ngiti.
Medyo makapal ang kilay at mapungaw ang mata . Bagay naman kahit ano ang isuot
ni Rafael, nguni’t gusto niya na maayos talaga ang sukat at dating ng damit
niya. Ayaw niya ng medyo maluwag, at ayaw niya rin ng sobrang sikip. Dapat tama
ang porma niya palagi, lalo na sa trabaho.
Nakakailang polo shirts na ang nasukat niya sa loob ng
fitting room. Maasikaso at matulungin naman ang salesman sa isang tindahan ng
office and business casual wear na pinasok ni Rafael. Wala masyadong ibang
customer dahil kalagitnaan ng hapon ng Miyerkules. Kasama niya ang kanyang
girlfriend, si Nelly, ang kapatid nito na si Jennifer, at ang syota ni Jennifer
na si Rico. Kasalukuyang iniwan muna nila sa Rafael dahil alam nilang matagal
ito kung mamili ng damit. Nagpunta sina Nelly at Jennifer sa isang salon para
magpa-ayos ng buhok. Si Rico naman ay humiwalay din at naghahanap ng pantalon.
Usapan nilang magkita-kita sa isang coffee shop pagkatapos ng isa’t-kalahating
oras.
Naka-limang polo shirt na ang nasukat ni Rafael, at may
dinadala pa ang salesman sa loob ng fitting room na iilan pang shirts sa iba’t-ibang
size at kulay.
Suot, ibubutones, aayusin.
Hubad. Palit ng shirt. Suot ng iba. Aayusin ulit.
Hubad ulit. Balik sa dating sinukat. Hubad ulit. Palit ng
shirt.
Naiinip na si Rafael dahil parang hindi siya
makapag-desisyon.
Lumapit na ang salesman sa harap ni Rafael para tulungan na
itong mag-butones, at ayusin ang bagsak ng polo sa balikat at braso.
“Salamat, Mark…”, sabi ni Rafael sa salesman. Nabasa niya sa
nametag ang pangalan nito. Magkasing-tangkad lang sila. May pagka-moreno ang
salesman, maiksi ang gupit ng buhok at makinis ang mukha. Bakas sa masikip na
puting unipormeng polo nito ang tikas ng kanyang katawan. Ma-porma din itong salesman. Bagay sa
trabaho niya.
Mabilis ang daliri ng salesman sa pagkabit at pagtanggal ng
butones. Magaan ang mga kamay… na may halong konting pagdiin kapag inaayos nito
ang bagsak ng laylayan o inuunat ang gusot.
“Sir,….i-tuck-in kaya natin yung damit sa pantalon ninyo,
para mas maayos ang pagsusuri niyo…”, mungkahi ni Mark.