2 Ang Solusyon sa Gutom
Pangangailangan sa Panahong Taghirap - 2
Mga Kwentong Kuwarantin ni Eric.HotFun
Tamang-tama lang ang pagdating ng kasama niya mula sa pamamalengke…. ala-1 ng hapon na, at gutom na gutom na si Rodel.
“Lechon manok ba ang dala mo….???”. Langhap ng bartender ang amoy ng uulamin nila.
“Aba, syempre, parekoy…!”, bungad ni Marco. Agad niya tinanggal ang mask pagkapasok sa pintuan at nag-punas ng pawis. “Ang init sa labas….. buti na lang hindi mahaba ang pila sa tindahan… at nakabili pa ako ng manok”.
Sa ibabaw ng bar counter sila nagsalo sa pananghalian. Pumapasok ang silaw at init ng tanghaling-tapat sa naka-awang na pintuan sa bandang likuran ng nakasaradong bar. Nakatutok ang nag-iisang electric fan sa parehong hubad nilang katawan…. tanging jersey shorts lang ang suot ng dalawa.
“Nababawi na ng katawan ko ang nalusay kong muscles”, puna ni Marco, ang isa sa mga sikat na dancers ng bar, “Akala ko… tuluyan na tayong mamatay sa gutom dito… kung aabutin pa tayo ng isa pang buwan sa lecheng lockdown na ito”.
“Salamat pare ha….”, wika ni Rodel, ang bartender at pinagkatiwalaan ng may-ari na manatiling bantay noong pinasara sila dahil sa quarantine.”Kung hindi dahil sa iyo…. wala na tayong makain”.
Umabot sa dalawang linggo lang ang iperang iniwanan para sa panggastos niya. Tapos, wala nang dumating… kahit pagkain, wala na pinadala ang amo ni Rodel.
“Hindi, pare… Ako ang dapat magpasalamat sa iyo…”, sagot ni Marco. “Kung hindi mo pinakiusapan si Bossing…. wala na akong matuluyan…. noong hindi ako umabot sa huling barko pauwi sa Zamboanga….”
“Hahaha… hindi, pare… madaling solusyonan ang paghanap ng bubong na masisilungan. Higit na malaking problema ang walang makain”
“Kita mo….”, patawang panumbat ni Marco, ”..kung nag-inarte ka pa dyan, at hindi ka nakinig sa akin… eh, talagang gutom ang abutin natin”.
Naalala ni Rodel ang hakbang na nag-iba ng landas nila….
Ilang linggo na ang nakalipas…………..