6 - Ang Lihim sa Magkabilang Bahay
Nakadapa sa Alex sa ibabaw ng kama niya. Katatapos lang niya
maligo, at tanging brief lang ang suot niya. Nagpapalamig sa naka-aircon na
kwarto niya. Nakasubsob ang ulo sa unan, nakapikit ang mata… nag-iisip at
nababalisa.
Naiinip si Alex sa kakahintay na umalis ang kanyang mga
magulang at ang kanyang kuya. Nagbibihis pa si Papa at Mama. At ang Kuya Alvin
niya ay naghihintay na daanan ito ni Kuya Jed, ang matalik na kaibigan at
kababata ng Kuya niya.
Sa sandaling iyon, dumating na nga si Jed, at dahil kilala
na ito sa pamamahay nina Alvin at Alex, ay pinapasok na siya ng katulong, at
tuluyang pumanhik sa kwarto ni Alvin. Bukas ng bahagya ang pintuan ng kwarto ni
Alvin, nguni’t walang tao sa loob. At wala ring tao sa banyong nakagitna sa
magkatabing kwarto nina Alvin at Alex.
Dahil komportable naman si Jed dito, humilata siya sa kama
ni Alvin, upang hintayin na lang ito. Baka bumaba lang si Alvin sa kusina.
Mahigit sampung minuto na ang nakaraan nguni’t wala pa rin
si Alvin. Tahimik ang bahay. Naririnig niya ang mahinang aircon mula sa kwarto
ni Alex. Tumayo si Jed at pumunta sa banyo, para tagusin ito papunta sa kay
Alex. Baka alam ng bunsong kapatid kung saan yung kuya niya.
Tahimik ang kwarto. Dahan-dahan ang pagkapihit ni Jed ng
pintuan ng banyo sa panig ng kwarto ni Alex. Madilim ang kwarto. Sa liwanag ng ilaw ng banyo, naaninag
niya ang katawan ni Alex na nakahilata sa ibabaw ng kama nito. Hindi gumagalaw.
Parang tulog yata.