ANG BINATA
Gulatan [1]Kwento ni Eric.Hotfun
Author’s note: Maraming salamat sa kaibigan ko na editor ko rin…. pinaalala niya sa akin ang isang bagay na nangyari maraming taon na ang nakalipas.
“Kilala mo ba yon…?”, tanong ni Jon kay Aldo, nang tinigil niya ang kaibigan niyang lumalangoy ng laps sa swimming pool ng country club na pinaroroonan ng matalik na magkatropa.
“Sino….?”
Tinangal ni Aldo ang swimming cap niya, habang sinusundan ng paningin niya ang ninguguso ni Jon — isang pamilya na nakaupo sa balkonahe ng restaurang na katapat ng pool: ang ama at ina na nakikipagtawanan sa bunsong anak na babae, at isang binatang lalake na nakatayo sa harap ng mesa nila —nakaharap sa pool. Hindi gaano kalayo ang kinaroroonan ng mga ito, at mababatid pa rin ng magkatropang kaibigan na pinagmamasdan silang dalawa nito…. dahil wala naman ibang lumalangoy sa oras na iyon, alas 2 ng hapon.
“Habang nagla-laps tayo, napansin ko na naka-ilang balik na yan dito…. lalapit na parang gusto kang kausapin…”, paliwang ni Jon. “…. baka kilala mo…? ”.
“Hindi…”, sagot ni Aldo.
Pinagmasdan nila ang naturang binata: tatayo ito sa may balkonahe ng restaurant at titingin sa pool. Tapos babalik ito sa mesa ng pamilya at uupo. Halos ilang minuto lang ang lumipas bago tatayo ito, babalik sa balkonahe at titingin sa pool. Naka-ilang beses na paulit-ulit nitong ginawa iyon, na tila hindi mapakali.
Hindi nagtagal…. bumaba ang binata mula sa restaurant at humakbang palapit sa lumalangoy na magkaibigan. Nakatuon man ang binata sa cellphone na hawak, nguni’t hindi makaila na nagnanakaw ito ng tingin sa kanila.
“Kausapin mo na”, udyok ni Jon.
“Sige…”, bungisngis ni Aldo. “Gwapo eh…”, at biglang umahon ito at naupo sa gutter ng pool. Bakas ang swimmer’s build ng makinis at matipuno nitong katawan: maputi, makinis, bilugan ang balikat at may abs. Mahilig mag-suot ng maiksi na bikini style swimming trunks si Aldo. Kulay pula ang suot nito ngayon araw.
Napatigil ang binata. Tumalikod. At bumalik sa kinaroroonan ng pamilya. Tumingin ulit sa direksyon nila, nguni’t kunwari malayo ang tingin.
Umahon na rin si Jon, at tumihayang nagbilad sa araw sa tabi ng kaibigan.
Kung makinis at maputi si Aldo, si Jon naman ay may konting buhok sa maumbok nitong dibdib. Ang itim na swimming trunks nito ay hindi kasing skimpy ng suot ni Aldo.