1 Nagpaangkin sa Pangangailangan
Pangangailangan sa Panahong Taghirap - 1
Mga Kwentong Kuwarantin ni Eric.HotFun
Mabagal ang hakbang ni Rodel mula sa kinahigaan niya papunta sa madilim na looban ng bar. Alas-5 ng umaga pa lang… ngunit hindi na makatulog si Rodel.
Kadalasan sa ganitong oras, ang janitor lang nila ang gising pa — at tinitapos ang paglinis ng naiwang dumi mula sa nakaraang gabi — mga basyo ng beer, upos ng sigurilyo, mga tissue sa sahig — habang unti-unting nag-iingay ang nagigising na mga kapitbahay sa tagong kalsado nila.
Ngayon, walang amoy ng sigarilyo. Naka-kandado ang pintuan at mga bintana. Tahimik at amoy-kulob ang espasyo na tatlong linggo nang sarado.
Naupo siya sa isang sopa sa harap ng maliit na entablado sa gitna ng madilim na bar. Dumidikit sa pawisang katawan niya ang lagkit ng kinaupuan niya, dahil wala siyang saplot kundi manipis na puting bikini brief.
Hindi kinagawian ni Rodel na lumabas ng kwarto na walang suot, at maselan siya sa dumi sa katawan. Ngunit wala sa ulirat niya ang kanyang estado ngayon.
Matagal ng walang customer sa madlim na bar na dating nababalot sa pulang ilaw, ngunit hindi matakasan ni Rodel ang maraming mata na tila nakatitig pa rin sa kanya. Tahimik man ang lugar ngayong umaga, ngunit parang nabibingi si Rodel sa tila bulong-bulungan nila. Mainit man sa loob ng saradong bar, ngunit nakakanginig na ginaw ang lumalatay sa nangagawit na katawan ni Rodel.