6 - Mga Kalaro sa Ilog
Written by
Eric.Hotfun.
May walong sundalo ang kasama sa special unit ni Capt.
Reyes. Piling-pili lang ang mga kawal na kasama dito. Ilang beses na sinubukan
ni Jordan na makilahok dito. Gusto niyang ma-challenge sa hirap ng training
nitong kapitan, at sa tingin niya ay kakayanin niya ito. Ngunit siya’y palaging
nabibigo. Sa katunayan, sinigawan lang siya kanina ni Kapitan Reyes nung
naki-usap siyang makilahok. “Request denied. Wala akong paki-alam kung sino ka…
at kung kanino kang anak”, ang mainit na sagot sa kanya ng mahigpit na kapitan.
Buong maghapon nasa ilalim ng nakakasunog na araw ang mga
kawal. Sa wakas, natapos na rin sila. Pawis na pawis ang mga sundalo nang na-dismiss
na sila at naglalakad pabalik sa kani-kaniyang mga barracks. May sundalong
humakbang palapit sa kanyang kinaroroonan.
Si Private Joel Virac.
Malaking tao, maitim ang balat na lalong umitim sa pagbabad sa araw.